KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Duterte, may P30K sa makasumbong sa mga korap nga opisyal kalabot sa SAP 

March 14, 2021 Uncategorized

MANILA, May 6 (PIA) — Mohatag si Presidente Rodrigo Duterte og ganti nga P30,000 sa mga maka-report, makahatag og kasayuran o impormasyon sa bisan kinsang lokal nga opisyal nga mokurakot ug mopahimulos sa pondo sa gobyerno alang sa social amelioration program (SAP).

Sa iyang public address niadtong Lunes sa gabii, Mayo 4, gihinganlan sa presidente ang barangay kagawad sa Barangay Agustin, Hagonoy, Bulacan nga si Danilo Flores nga giingong usa sa mga korap nga opisyal.

Gimanduan usab ni Duterte ang mga mayor sa kalungsoran nga bantayan ang pagpanghatag og ayuda sa gobyerno alang sa mga labi’ng apektado sa coronavirus disease (COVID-19).

Gi-awhag ang publiko sa pag-report sa mga korap nga opisyal sa numero nga 8888.

Kahinumdoman nga una nang gimando sa Department of Interior and Local Government (DILG) sa tanang Barangay captain sa tibuok nasod nga ipaskil sa publiko ang listahan sa mga naapil sa social amelioration program alang sa ‘transparency’.

Ang maong listahan gipabutang sa DILG sa mga pampublikong lugar sa barangay, ilabi na sa gawas sa barangay hall.

Ang SAP usa  ka emergency subsidy program sa gobyerno alang sa low-income households nga labi’ng naapektuhan sa community quarantine tungod sa pagkatap sa COVID-19. (ecb/PIA7-Bohol)

source https://pia.gov.ph/news/articles/1041010

Leave a Reply

This site uses Akismet to reduce spam. Learn how your comment data is processed.

%d bloggers like this: