KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: DTI, TESDA padayon ang training alang sa negosyante sa Camiguin

March 14, 2021 Uncategorized

CAMIGUIN, Aug. 3 (PIA)—Agi’g tabang sa mga gagmay’ng negosyante nga makasugod, mapa-ugmad, makamugna ug mapasiugda ang ilang negosyo taliwala sa coronavirus disease (COVID)-19 pandemic, ang Department of Trade and Industry (DTI) inubanan sa Technical Education and Skills Development Authority (TESDA) Camiguin Provincial Offices nagpahigayon sa Negosyo sa Barangay seminar.

Gipahigayon sa Barangay Poblacion Hall, Mambajao, lapas 20 nga mga small business entrepreneurs ang nilangkob sa seminar, nga naglakip ug training sa food processing ug product demonstration pinaagi sa Camiguin School of Arts and Trades (CSAT).

Ang TESDA Camiguin Provincial Office nagpasiugda usab sa lain pa nilang programa pinaagi sa ilang affiliate schools. 

Si TESDA Provincial Director John Simborios miingon nga ang CSAT nag-offer sa Cookery NC II, Driving NC II, Trainers Methodology Level I, raising organic chicken leading to agricultural crops production (ACP) NC III.  

Samtang ang Fatima College of Camiguin nag-offer sa Computer Systems Servicing NC II. Ang Camiguin Polytechnic State College nag-offer sa ACP NC I ug NC III. 

Gi-awhag usab ni Simborios ang mga interesadong indibidwal nga mu-avail sa mga scholarship programs sa TESDA ug magpre-enroll aron ma-akomodar sila panahon nga mag-abri na ang mga tunghaan alang sa training. (RTP/PIA 10)

 

source https://pia.gov.ph/news/articles/1049289

Leave a Reply

This site uses Akismet to reduce spam. Learn how your comment data is processed.

%d bloggers like this: