KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: DTI: SBCorp may dugang pundo alang sa DTI CARES

March 14, 2021 Uncategorized
GAWAS SA ABAG PINANSYAL. Ang DTI tighimo usab sa regular nga pasubay sa mga tindahan aron pagseguro ng ang mga konsumidor dili maalkansi sa ilang gipamalit. Ang regulatory functions usa lamang ka bahin sa gimbuhaton sa ahensya, ang labing daku niini mao ang pag-abag sa mga ginagmay nga negosyo aron makabarug sa ilang kaugalingon. (rahc/PIA-7/Bohol FILE PHOTO)

TAGBILARAN CITY, Bohol, July 14 (PIA) — Maayong balita alang niadtong mga mamumuhunan nga ming-apply alang sa Department of Trade and Industry COVID Assistance to Restart Enterprises (DTI CARES).

Temporaryo man nga gipaundang na ang pagpanawat sa mga applications alang sa tabang pinansyal sa mga gagmay nga negosyo nga apektado sa coronavirus disease (COVID-19),  gibutyag ni Bohol DTI Provincial director Maria Soledad Balistoy nga may pundo nga gidugang ang Small Business Corporation (SBCorp) alang sa pahuwam.

Hinuon, wala pa usab mabutyag kon ang pundo nga idugang, alang ba  sa pagbukas sa lain na usab nga pasilidad sa pahuwam, o sumpay ba  sa mga unang gitanyag diin ang mga nangaplay, wala na maglaum pa nga may marelease sanglit napaundang na ang programa.

Kahinumduman nga niadtong Hunyo 19, gitak-opan na sa DTI ang bintana alang sa pagpanawat pa sa mga ginangmay nga huwam sa DTI CARES tungod kay nagsobra na ang nang-apply ug nahurot na ang pundo nga gitagana alang niini.  

Ang DTI CARES program nagtanyag og paspas ug walay interest nga pahuwam ngadto sa mga micro-businesses o gagmay nga negosyante kansang kabtangan ug capital, dili molapas sa P3 milyones, ug small businesses nga may assets nga dili mokapin sa P15 milyon.

Dinhi, ang DTI, pinaagi sa SB Corp. magpahuwam og gikan sa P10 mil ngadto na sa P 200 mil alang sa micro-enterprises, ug ngadto na sa tunga sa milyon sa small businesses, kini bayaran sulod sa 18 ngadto sa 30 ka buwan.

Didto sa virtual nga tigum sa Strategic Communications Committee sa Bohol Inter Agency Task Force for the Management of Emerging Infectious Diseases, gibutyag usab sa DTI nga sa Bohol, aduna nay 17 ka mga applications sa pahuwam nga aprobado na sa SB Corp.

Gani, dugang ni Balistoy nga may upat na niini ang narelease na ug nadawat na sa mga negosyonate nga aplikante.

Hinuon, gipasabut usab ni Veronee Tocmo, ang provincial coordinator sa DTI alang sa SB Corp nga mga pahuwam nga hayan adto na sa pagtukas og balik human sa quarantine himoon ang dugang nga pagrelease sa mga aprobado nga mga pahuwam.  

Didto usab sa susamang tigum, gidugang pagbutyag ni Balistoy nga sa mga aplikante gikan  sa Bohol, may 25 pa ka aplikasyon nga karon kasamtangan nga giproseso sa DTI Regional Office, diin mahitabo ang pagtimbang sa  mga naduso nga papeles sa aplikasyon sa huwam.

 Sayon man makuha ang pahuwam nga walay interes, apan gipasabut ni Veronee Tocmo nga subayon sa DTI kadtong may maayong kinaiya sa pagbayad aron usab maseguro nga ang kwarta sa kagamhanan magamit sa sakto ug mabalik aron magamit na usab sa uban.

Gawas sa kwarta nga magamit sa huwam pagpalapad ug pagpasugod og balik sa negosyo, may mga tanyag pa ang kagamhanan ngadto sa mga benepisaryo sama sa libre nga business counseling gikan sa mga counselors sa Negosyo Centers ug posible nga mentoring alang sa mga negosyante nga nangandoy nga mopalapad pa sa ilang negosyo. (rahc/PIA-7/Bohol)  

 

source https://pia.gov.ph/news/articles/1047517

Leave a Reply

This site uses Akismet to reduce spam. Learn how your comment data is processed.

%d bloggers like this: