KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: DTI, nipasidaan sa mga online sellers nga di mosunod sa SRP

March 14, 2021 Uncategorized
GIPANGUNAYAN. Mismo si DTI Usec. Ruth Castelo ang mingsubay sa mga malls diri sa Bohol kon mingsunod ba sa suggested retail price dihang mianhi siya sa Bohol sa milabay nga tuig. Karon nga nauso na ang online selling, buot sa DTI nga masayud  ang katawhan nga sundon gihapon ang SRP. (File photo/PIA Bohol)

TAGBILARAN CITY, June 4 (PIA)–Nipasidaan ang Department of Trade and Industry (DTI) sa mga online seller nga dili mosunod sa suggested retail price (SRP).

Kini human namatikdang nidaghan ang namalit karon sa ilang panginahanglan online tungod sa coronavirus disease 19 (COVID-19) pandemic.

Sa usa  ka pahayag, miingon si DTI undersecretary Ruth Castelo sa DTI consumer protection group nga tanang namaligya online angay nga mosunod sa gitakdang SRP sa ahensya.

Dungan niini, giseguro usab ni Castelo nga hugot nilang gi-monitor ang presyo sa mga produkto nga ginabaligya online.

Giingong naglihok na usab ang National Bureau of Investigation (NBI) ug Philippine National Police (PNP) aron masikop ang mga naghimo og overpricing, profiteering o nagbaligya og ubos nga kalidad nga mga produkto. (ecb/PIA7-Bohol)

source https://pia.gov.ph/news/articles/1043833

Leave a Reply

This site uses Akismet to reduce spam. Learn how your comment data is processed.

%d bloggers like this: