KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: DTI naghatag sa SSF para sa mga kooperatiba sa Marawi

March 14, 2021 Uncategorized

MARAWI CITY, Hunyo 29 (PIA) – Ang pagtaas sa kaso sa sakit nga coronavirus disease 2019 (COVID-19) sa Marawi wala makapugong sa Department of Trade and Industry (DTI) nga magpadayon sa paghatag og Shared Service Facilities (SSF) sa mga kooperatiba sa lungsod sa Marawi ug probinsya sa Lanao del Sur.

Si DTI Lanao del Norte provincial director Ruel B. Paclipan miingon nga ang probisyon sa SSF nagtumong aron matabangan sila nga makabalik sa ilang panginabuhi-an pagkahuman sa kagubot sa Marawi ug aron mapalambo ang pagka-produktibo sa mga kooperatiba sa ilang mga establisyemento ug negosyo.

Gipadayag niya ang iyang pagpasalamat ngadto sa mga benepisyaryo sa SSF alang sa pagpaningkamot nila sa paggamit sa mga ‘equipment’ alang sa ilang kalambo-an.

“Nagpasalamat kami sa mga kooperatiba, asosasyon, tungod kay andam sila nga mag-aplay sa mga giya ug mahimo namong mga ‘cooperators’.

Base sa monitoring report, ang SSF nakatabang kanila,” matud ni Paclipan.

Si Kimal Salacop Jr. sa ‘Desenting Serbisyo para sa Magsasaka’ Agriculture Cooperative mapasalamaton sa ahensya sa mga kagamitan sa ice cream nga gihatag sa ila.

Miingon si Salacop nga makatabang kini sa ila aron mas mapadali ang paghimo sa Ammara Durian Ice Cream.

“Nalipay kaayo ko sa DTI sa TFBM, ug sa mga ahensiya sa gobyerno nga nitabang gyud dinhi. Sa DTI, sa ilang pag-awhag sa mga Maranao nga kinahanglan nga maningkamot niining mga kalisud nga among naatubang—sa una gubot sa Marawi, karon naay pandemya,” dugang pa ni Salacop.

Ang DTI usab nag turnover sa SSF alang sa Plant Tissue Laboratory nga pagatukuron sa College of Agriculture of Mindanao State University-Main Campus.

Sa pagkakaron, 38 sa 40 nga SSF ang gihatag sa lain-laing kooperatiba ug asosasyon.

Ang pila sa mga benepisyaryo sa SSF naglambigit sa produksiyon sa abaca fiber, panaderya, paghimo og hollow block, produksiyon sa palapa, ug uban pa.

Ang DTI mao ang nanguna nga ahensya sa Sub- Committee on Business and Livelihood of Task Force Bangon Marawi. (BGE/PIA ICIC)

source https://pia.gov.ph/news/articles/1046193

Leave a Reply

This site uses Akismet to reduce spam. Learn how your comment data is processed.

%d bloggers like this: