KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: DTI mikompirmar sa sugyot nga inaton ang tingbayad sa DTI CARES

March 14, 2021 Uncategorized

CORTES, Bohol, Aug. 30 (PIA) — Gikompirmar sa local nga Department of Trade and Industry (DTI) dinhi sa Bohol ang hangyo sa mga negosyante ngadto sa kagamhanan nga ipa-uswag unta ang termino sa pagbayad sa walay interest nga pahuwam nga gipaagi sa DTI Small Business Corporation SB Corp.

Didto sa labing bag-o nga tigum sa InterAgency Task Force on Management of Emerging Infectious Disease Strategic Communications Cluster (StratCom) nga ilawom sa DTI Covid Assistance to Restart Enterprises 2 (CARES) nga gipundohan sa Pundo sa Pag-babago at Pag-aasenso (P3), nga patas-on pa unta ang lanat sa pagbayad sa pahuwam.

Aron mas makatabang sa mga negosyante nga apektado sa  pagsira sa mga negosyo tungod sa hulga sa COVID-19, gisugyot sa mga negosyante nga sakop sa Bohol Chamber of Commerce and Industry (BCCI) nga inay bayaran sa 18 ngadto sa 30 ka buwan, himoon kining bayaran sa maximum term nga 5 ka tuig o 60 ka buwan.

Kini dungan sa pagbukas sa ika duha nga hugna sa DTI CARES nga gibuksan na  pag-usab sugod Agosto 17.

Ang mga pahuwam nga gitagana sa kagamhanan alang sa micro, small ug medium enterprises (MSME) nga nakasugod na unta sa ilang negosyo ug nagpadagan na bali og usa  ka tuig apan napugos sa pagpanira tungod sa pagsunod sa mga lagda sa pagpugong sa pagkatag sa COVID-19, may mga utlanan sa kantidad nga mahuman sa usa  ka tigpamuhunan depende sa kadak-on sa iyang negosyo.

IPAHIBALIK NA ANG NEGOSYO. Mismo si Gobernador Arthur Yap ang mipadayag sa iyang tumong ngadto sa mga mayor sa Bohol nga ipabalik na ang mga negosyo apan kini magdepende pa gihapon sa mga lugar diin mibati ang mga lokal nga opisyales nga dili pa luwas alang kanila ang pagpahibalik ilabi na kay padayon pang nanghasi ang COVID-19. (PIA Bohol/Art Yap)

Giendorso na sa atong buhatan ang hangyo sa BCCI alang sa sugyot sa pagpa-inat pa nagdto sa maximum term nga 5 ka tuig ang mga pahuwam, apan, hangtud karon, wala pa kita makadawat sa update, taho ni Jerome Gabin, kinsa maoy mirepresentar sa DTI Provincial Director nga si Maria Soledad Balistoy sa nahisgutan nga tigum.

Kini usab samtang nagpadayon nga menos ang kadaghanon sa mga MSMEs nga mingsanong sa tanyag sa pahuwam.

“Wala na kaayo’y takers,” matud pa ni Gabin didto sa nahisgutan nga tigum.

Punto sa mga negosyante nga sakop sa BCCI, mas makaginhawa sila kon ipalanat pa sa 60 ka buwan ang maximum term sa bayranan sa pahuwam, sanglit dili pa usab maseguro kon kanus-a gayud mahimong makabalik sa full operations and mga negosyo nga nasira sa COVID.

Gani, gihangyo na usab sa BCCI nga matan-aw og usab ang pagpatuman sa curfew sa Bohol sanglit wala na kini magsanong sa aghat sa kagamhanan nga magpabilin nga bukas ang mga kan-anan taman sa alas 11:00 sa gabii, aron makasilbe sa mas daghan ug mas mokita og dugang alang sa mga trabahante niini. (rahc/PIA-7/Bohol)

source https://pia.gov.ph/news/articles/1051726

Leave a Reply

This site uses Akismet to reduce spam. Learn how your comment data is processed.

%d bloggers like this: