KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: DSWD: Wala pa’y sulat-mandu paghatag sa ikaduha nga SAP

March 14, 2021 Uncategorized

CORTES, Bohol, May 18 (PIA) — Nagpaabut pa ang Department of Social Welfare and Development (DSWD) sa usa ka written order gikan sa Malakanyang, aron ilang kabuhatan og implementing rules and regulations ang ikaduha nga hugna sa pagpang-apud-apod sa ayuda sa Social Amelioration Program (SAP 2).

Kini maoy gipadayag sa DSWD pinaagi sa ilang tigpamaba nga si Irene Dumlao, dihang gipagawas usab sa Department of Budget and Management (DBM) nga mahimo nga ang DSWD pormal na nga magrequest sa  pundo alang niini, segun sa  mga taho.

Sa katungod sa DSWD, matud ni Dumlao nga ang ikapagawas nga mandu sa Malakanyang maoy ilang himoon nga basehan kon lakip pa ba gihapon sa ayuda ang mga benepisaryo nga anaa na sa mga lugar nga gipailawom sa General Community Quarantine (GCQ).

Tataw na nga gibutyag usab ni Presidential Spokesperson Harry Roque nga buot na sa Malacañang nga ang mga panimalay nga ubos lamang ang kita ilabi na niadtong naa nahisulod sa mga lugar nga nagapadayon ang modified enhanced community quarantine (MECQ) makadawat na sa ikaduha nga hugna sa dinali-an nga hinabang gikan sa kagamhanan pinaagi sa programa nga SAP.

Kini usab nga pahayag ni Roque iyang gibutyag usa  ka adlaw human miangkon nga ang kagamhanan nagkapuliki na og pagpangita og paagi unsaon niya pagpanghatag sa ayuda ngadto sa mga kabus nga banay nga naa sa Modified Enhanced Community Quarantine (MECQ)  gikan sa Mayo 16 ngadto sa 31.

Hinuon, gimandu na ni Presidente Rodrigo Duterte ngadto sa DBM pinaagi ni Secretary Wendel Avisado sa pagpang realign sa mga pundo pangpubliko aron ikadugang sa  pundo nga gitagana sa ikaduhang hugna sa SAP.

Gisaad sa balaod nga Bayanihan to Heal As One Act nga duha  ka hugna ang ihatag sa kagamhanan nga tag P5,000 ngadto sa P8,000 sa mga natumbok nga benepisaryo sa SAP, kini bali og duha ka buwan.

Apan sa laing pahayag, gipadayag sa Malakanyang nga 13 milyones sa 23 milyones nga benepisaryo sa SAP ang makadawat sa ikaduhang hugna sa atuda sa kagamhanan, ug kini adto sa mga benepisaryo nga naa sa ECQ ug MECQ.

Kon walay written order ang Malakayang kabahin sa pagkalakip sa ayuda sa mga benepisaryo nga naa na sa GCQ, hayan, wala nay madawat pang hinabang ang mga nia sa Bohol ug ubang parte sa Central Visayas.

Ang Inter-Agency Task Force on Managing Emerging Infectious Diseases mipailawom sa ECQ sa mga syudad sa Cebu ug Mandaue (May 16 ngadto sa 31), samtang ang Metro Manila, Laguna, Bataan, Bulacan, Nueva Ecija, Pampanga, Zambales, ug Angeles City gipailawom sa MECQ. (rahc/PIA-7/Bohol)

source https://pia.gov.ph/news/articles/1042144

Leave a Reply

This site uses Akismet to reduce spam. Learn how your comment data is processed.

%d bloggers like this: