KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: DSWD sa mga sakop sa 4Ps, ipadayon ang pagpananum

March 14, 2021 Uncategorized

TAGBILARAN CITY, Bohol, June 25 (PIA) — Bisan pa sa nadawat nga mga ayuda, dili kini paigo kon buot sa usa ka pamilya nga kompleto gayud ang nutrina sa ilang gidalit sa talad-kan-anan, busa subay niini, gipanawagan sa mga tinugyanan sa kagamhanan ngadto sa mga banay sa nga benepisaryo sa Pantawid Pamilyang Pilipino Program (4PS) nga nagkwarantina: ipadayon ang pagpananum.

Didto sa Kapihan sa PIA, mismo ang provincial Link sa 4Ps nga si Fe Figarido, mipadayag sa kaayohan kon ang banay, ilabi na sa mga nasakop sa 4Ps sa pagpadayun sa ilang nakat-onan sa ilang mga Family Development Sessions (FDS).

LAHI RA GYUD KON MAY ABAG. Bisan sa pagpaneguro nga may pagkaon sa silinganan, gipahinumdom usab sa DSWD nga panginahanglan sa pagtamud sa mga lagda ilabi na sa pagpugong sa pagpakatap sa coronavirus disease, subay sa gipanawagan sa 4Ps provincial; link nga si Luz Figarido. (PIA Bohol)  

Sa ilang mga FDS, usa sa mga mahinundanong hisgutanan nga dili mahimong paltahan sa pagtambaong mao ang pagpaugmad sa banay pinaagi sa pagbugkos aron mahiusa sa usa  ka tumong, ang pagpaneguro nga may igo nga makaon ang matag usa.

Gawas sa Department of Social Welfare and Development (DSWD) nga nanawagan sa pagpananum pinaagi sa ilang programa sa Pantawid, ang Department of Agriculture (DA) lakip na ang lalawigan sa Bohol nangagni usab sa mga katawhan nga inay usikan ang oras sa kwarantina, mohikap sa yuta ug mananom og makaon.

Ang DA pinaagi sa Agricultural training Institute ug sa Agricultural Promotions Center niini, nanghatag na gani og mga lawngon ug mga liso nga mahimong isabud aron makasugod sa gagmay nga garden sa kilid sa balay.

Ang ATI nanguna sa pagpasagop sa urban gardening, hydrophonics ug daghanan pa nga matang sa gardening nga mahimong sagopon sa mga buot makat-on sa teknolohiya. 

May susama usab nga liso ug mga lawngon nga makuha gikan sa Office of the Provincial Agriculture (OPA), matud pa ni Agriculturist og Officer in Charge sa buhatan Larry Pamugas.

Didto sa Kapihan sa PIA, gibatbat ni Figarido nga mas maayo kon ang mga sakop sa 4Ps magpadayun sa pagpananum, bisag gamay lang, basta may igo nga ikaabag sa panud-an.

Mas maayo nga naay presko nga pagkaon, ug inay mopalit, adto na magkuha sa garden, aron matigum ang dyutay nga kwarta alang sa ubang gikinahanglan sa banay.  

Apan bisan pa niini, gipahinumdom sa Provincial Link ngadto sa mga sakop sa 4Ps sa pagsunod gihapon sa mga lagda sa mga tinugyanan kabahin sa coronavirus disease (COVID-19).

“Kon walay panginahanglan nga mogawas, pabilin lang gyud sa balay, ug kon may panginahanglan, mogawas apan magsulob og face mask, mintinaron ang social ug physical distancing, magbatasan sa pagpanghunaw ug ang pagpaneguro sa pagpamatay kagaw sa balay,” saysay niya. (rahc/PIA-7/Bohol)

source https://pia.gov.ph/news/articles/1045775

Leave a Reply

This site uses Akismet to reduce spam. Learn how your comment data is processed.

%d bloggers like this: