KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: DOT/DTI nagpagawas sa ‘new normal’ sumbanan alang sa mga restaurants

March 14, 2021 Uncategorized

TAGBILARAN CITY, Bohol, June 17 (PIA) — Hugot na nga gidili sa mga restaurants nga accredited sa Department of Tourism ang paghimo og self-service stations, buffet ug salad bars, kini segun sa New Normal Protocols alang sa ilang accredited restaurants.

Alang usab sa mga customer, kinahanglang ang sakto nga pagsul-ob  og mask sa tanang higayon nga mosulod sa restaurants, gawas lamang kon mokaon na og moinum.

Sa dili pa mosulod sa restaurant, kinahanglang motunob sa footbath nga may gibutang nga pamatay kagaw unya magpakuha sa body temperature pinaagi sa portable thermal scanners nga naa sa ganghaan sa kan-anan.

Kadtong mamatikdan nga may mga timailhan sa hilanat, ug mga simtomas sa kalintura, dili sila pasudlon sa kan-anan, hinuon tambagan nga moadto sa labing duol nga health facility aron matan-aw sa mga propesyonal.

BAG-ONG NORMAL. Gipagawas sa DOT ang tamdanan sa mga magbukas nga restaurants sa bag-ong normal human gideklara na usab pinaagi sa executive order 31 dinhi sa Bohol ang pagtugot sa pagbukas sa mga restaurants. (PIA Bohol) 

Kinahanglan usab ang customer nga mohatag sa iyang pangalan, ug mga detalye unsaon siya nga mas dali nga makontak alang sa contact tracing log-sheet sa restaurant, samtang kinahanglang iya usab nga ifill-up ang Health Declaration Form.

Sa mga restaurants usab, gikinahanglan nga magbutang og mga pahibalo kabahin sa kamahinungdanon sa permi nga pagpanghunaw gamit ang sabon ug tubig sulod sa 20 segundos, o paghimog pamatay kagaw sa kamot ganit ang disinfectant, 70 percent nga alcohol o alcohol based nga hand sanitizers samtang kini  ipahimutang sa mga lugar sa restaurants nga dali rang hingkit-an.

Kinahanglan usab nga sundon ang usa  ka metros nga physical distancing sa matag usa ka customer, ilabi na sa mga lugar nga tapokanan sa mga tawo sama sa pilahan aron maserbisyohan, didto sa kan-anan, paingon sa hunawanan ug sa mga pila sa pansayan.

Kon ang us aka lamesa, kaniadto mopalingkod sa 10 ka tawo, karon kinahanglang lima na lamang.

Kinahanglan usab nga iplastar sa restaurant ang ilang mga pilianan sa pagkaon sa us aka lugar nga dali hingkit-an para dili na mogunit pa sa menu book.  

Niini, kinahanglan nga ang mga restaurants magmarka sa ilang mga sawog sa timailhanan diin mobarug ang mga customer ilabi na kon mopila, ug kon ang mga lamesa dili na masibug aron masunod ang physical distancing, butangan og babag aron dili magamit.

Temporaryo usab nga gisuspenso una ang ubang nga mga serbisyo nga ubay sa restaurant sama sa coffee shop, ug nga sports bars samtang nagpaabut nga maserbisyohan.

Ang mga kagamitan nga gamiton sama sa table napkins, kutsara tinidor ug kutsilyo, ubang kagamitan ug mga panimpla sama sa asin, suka, toyo, patis, paminta kinahanglang giputos sa malata nga sudlanan ug itunol sa mga servidora sa restaurants ngadto sa mga customer.

Ipaneguro usab sa resturants nga ang mga pagkaon og ilimnon, gi-ayo og tabon aron dili makontaminado sa dili pa kini ibutang sa kan-anan.

 Kon mobayad na, isulod ang bayad sa mga gagmay nga tray aron kamenosan ang paggunitay sa kamot ug pagtabok sa kagaw. (rahc/PIA-7/Bohol)

source https://pia.gov.ph/news/articles/1045007

Leave a Reply

This site uses Akismet to reduce spam. Learn how your comment data is processed.

%d bloggers like this: