KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: DOLE, may tanyag nga libreng online courses alang sa mga Filipino seafarers

March 14, 2021 Uncategorized
NAGLISUD OG PASAKA SA RANGGO? Suwayi ang libre nga online courses alsng sa mga marino, pilay palad tungod ani, mapun-an ang sweldo o makuhaan ang trabaho? (PIA Bohol) 

TAGBILARAN CITY, Sept. 15 (PIA) — Aron mas mapaayo pa ang katakus sa mga Filipino seafarers, may tanyag ang gobyerno og mga online maritime courses.

Gipahibalo sa Department of Labor and Employment (DOLE) nga ang mga Filipino seafarers mahimo na karong maka-akses sa mga maritime courses nga gitanyag og libre sa gobyerno.

Matud pa sa DOLE nga gawas sa mga kurso aron mas mapaayo pa ang ilang katakus ug kahibalo, nagtanyag usab ang National Maritime Polytechnic (NMP) og personal safety courses sama sa STD/HIV/AIDS Prevention in Maritime Sector (SHAPIMS) ug  Prevention of Alcohol and the Drug Abuse in the Maritime Sector (PADAMS).

Gawas niini, may tanyag usab nga online course nga Gender Sensitivity Training for Seafarers ang NMP.

Ang NMP naa ubos sa pagdumala sa DOLE.

Si NMP Executive Director Joel Maglunsod nagkanayon nga ang maong programa luwas nga alternatibo sa classroom-based education ug makatuon ang mga Filipino seafarers sa ilang kaugalingong panimalay, opisina o bisan naka-deploy sila sa barko.

Ang tanang makakumpleto sa online courses makadawat og Certificate of Completion.

Matud pa nga ang mga safety courses gihimo sa pakigtambayayong sa International Labor Organization (ILO) ug United Nations (UN) Program on HIV / AIDS.

Ang schedules sa personal safety and prevention courses mao ang mosunod: SHAPIMS sa Setyembre 16 ug 30; Oktubre 14 ug 28; Nobyembre 11 ug 25; ug Disyembre 9; ug PADAMS sa Setyembre 17; Oktubre 1, 15, ug 29; Nobyembre 12 ug 26; ug Disyembre 10, 2020.

Samtang laing libreng online course nga gitanyag sa NMP alang sa deck mao ang Gender Sensitivity Training for Seafarers (GSTS) sa Setyembre 15 ug 29; Oktubre 13 ug 27; Nobyembre 10 ug 24; ug Disyembre 8.

Gi-awhag sa NMP ang mga OWWA registered seafarers sa pagpahimos sa NMP-OWWA (Overseas Workers Welfare Administration) Seafarers’ Upgrading Program (SUP) ug Skills for Employment Scholarship Program (SESP) nga maghatag og kahigayonan sa benepisyaryo sa pagdawat og financial assistance alang sa training costs gikan sa OWWA. (ecb/PIA7-Bohol)

source https://pia.gov.ph/news/articles/1053283

Leave a Reply

This site uses Akismet to reduce spam. Learn how your comment data is processed.

%d bloggers like this: