KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: DILG: Sabton nga dili patas ang kapasidad sa mga kabarangayan

March 14, 2021 Uncategorized

CORTES, Bohol, May 11 (PIA) — Dili parehas ang kapasidad sa tanan nga mga barangay, samtang dili usab parehas ang kadaghanon sa populasyon nga ilang angay ayudahan, pahinumdom ni Department of Interior and Local Government (DILG) Bohol Provincial Director Jerome Gonzales.

Kini nga pahayag sa DILG aron ipahinumdom sa mga kabarangayan nga kinahanglan usab nga makasabut sila ug dili magtandi sa kadaghanon sa mga ayuda nga ikahatag sa mga kabarangayan, ilabi na niining panahon nga nagsamok ang coronavirus disease (COVID).

Didto sa Kapihan sa PIA, si Gonzales namahayag nga segun sa Disaster Risk Reduction and Management Act, sa panahon sa mga katalagman ug ikadeklarar na ang nasudnong state of calamity, kini magbuhi sa pahat sa barangay nga pundo nga nahikot alang lamang sa katalagman.

Ang pundo nga ipahat, segun pa sa balaod, 5 porsyento sa kinatibuk-an nga kita nga mahipos sa barangay gikan sa ilang regular nga mga tinubdan.

Niining 5 porsyento, 30 porsyento niini maoy pahat alang sa Disaster Quick Response ug 70 porsyento niini, gamiton alang sa ekipos ug mga pagpamugong ug pagpahupay sa epekto sa katalagman, pagpahiuli u gang pagpabarug og balik sa mga apektado sa katalagman.

Hinuon, may mga kabarangayan nga mas abtik sa ilang pagpangita og kahinguhaan, hinungdan nga mas daku ang ilang kita gikan sa kinatibuk-an nga regular nga tinubdan.

Tungod niini, kinahanglan nga makasabut kita nga may barangay gayud nga pipila lamang ka kilo ang bugas nga ikapanghatag sa mga apektado sa katalagman, samtang ang mga naahan nga mga barangay, mas arang-arang ang ilang ikahatag.

Tungod niining balaod, us aka standing order gikan sa DILG nagdto sa mga kabarangayan ug kalungsuran nga mo-ayuda gayud sa panahon sa kalamidad, butyag ni Gonzales.

Sa laing bahin, ang Department of Social Welfare and Development, usa usab sa ilang mandatus ang paghatag og ayuda sa mga katawhan nga naa sa kalisud.

Hinuon, gipasabut sa DSWD nga ang ilang mandu, mohatag lamang sila sa ayuda isip suporta sa mga hatag nga giayuda sa mga local nga kagamhanan.

Ang pundo nga ipang-ayuda sa DSWD nasukip sa ilang pahat sa nasudnong kagamhanan, apan kini alang sa pipila lamang ka ayudahan ug dili gayud ikasarang sa tanan, hiningdan nga ilang ikapagawas lamang kining ilang ayuda sunod na sa ayuda nga gipagawas sa mga barangay ug kalungsuran.

Bisan pa niining tanan, matud sa DILG pinaagi ni PD Gonzales, kadtong mga molupyo sa mga barangay nga wala pa maayudahi sa ilang local nga kagamhanan, mahimo nga moreklamo pinaagi sa text lamang sa numero: 0933 139 2273.

Dugang ni DILG PD Gonzales, bisan pa man nga gipasalig sa DILG nga ilang tipigan ug dili ibutyag ang pangalan sa reklamante, kinahanglan hinuon nga ibutang ang tinuod nga pangalan u gang barangay aron masubay sa DILG kon tinuod baa ng rekmao ug aron kaaksyonan dayun. (rahc/PIA-7/Bohol)

source https://pia.gov.ph/news/articles/1041505

Leave a Reply

This site uses Akismet to reduce spam. Learn how your comment data is processed.

%d bloggers like this: