KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: DILG naninguha’g suporta alang sa pagdumala sa LGU isolation centers

March 14, 2021 Uncategorized

CAMIGUIN, Oct. 7 (PIA)—Sa pagpatuman sa Bayanihan 2 to Heal as One Act, ang Department of the Interior and Local Government (DILG) naghangyo sa lain-laing mga ahensya sa nasud aron matabangan ang mga local government units (LGUs) sa pagdumala sa ilang mga isolation units.

“We are talking about this in the Cabinet. With Bayanihan 2, it is time to help our LGUs because DSWD, DOLE, DA have funds. This time, we will concentrate support directly to those who contracted the virus, like support for their meals,” ingon ni DILG Sec. Eduardo Año sa Network Briefing News, Oktubre 7 kauban si Communications Sec. Martin Andanar.

(Gihisgutan namo kini sa Gabinete. Sa Bayanihan 2, panahon na nga matabangan ato mga LGUs tungod kay aduna’y pondo ang DSWD, DOLE, DA. karong higayona, idirekta nato ang suporta sa mga natakdan sa virus, sama sa suporta sa ilang pagkaon)

Giingon usab ni Año nga ang mga nagtrabaho nga indibidwal, nga gibutang sa ilawom sa quarantine o isolation, sigurado na malaktawan ang ilang trabaho, busa gihangyo niya ang Department of Labor and Employment (DOLE) nga maghimo ug usa ka programa nga makasuporta sa mga empleyado.

Target usab sa DILG nga palig-unon ang mga Barangay Health Emergency Response Teams (BHERTs) sa LGU aron masiguro nga kini naglihok ug makahatag sa kinahanglanon nga serbisyo sa publiko labi na niining panahon sa pandemya.

Giduso usab sa Department of Health (DOH) ug DILG alang sa paghatag sa mga BHERTs sa mga saktong gamit sa pagpanalipod ug uban pang mga kinahanglanon gikan sa hygiene hangtod sa pagkontrol sa impeksyon.

Pagdumala sa isolation units sa Camiguin

Sa Camiguin, 64 nga isolation units o 603 ka higdaan ang gidumala karon sa 56 ka mga barangay ug 5 ka mga munisipyo. Kining tanan magamit na ug base sa mga report, giingon ni DILG Camiguin Provincial Director Rhona Abadilla nga wala sila makadawat ug mga reklamo sa pagpangalagad sa mga nagpauli nga indibidwal gikan sa LGUs.

Sa iyang bahin, si Gob. Jurdin Jesus Romualdo nag-ingon, “Sabot lang sa barangay/LGU ug pamilya sa mga locally stranded individuals. Kasagara pud sa mga overseas Filipino workers o Returning overseas Filipino (ROFs) naa sa hotel ga-stay ug sila gabayad. ”

Hangtod karon, giingon ni Romualdo nga wala sila’y nasugat nga problema sa pagdumala sa mga nagbalik nga mga indibidwal sa ilang mga isolation units.

Niadtong Oktubre 7, nakatala ang probinsya duha ka positibo nga kaso sa COVID-19, nga mga LSI gikan sa Quezon City ug Cebut City. (VPSB/PIA10)

source https://pia.gov.ph/news/articles/1055438

Leave a Reply

This site uses Akismet to reduce spam. Learn how your comment data is processed.

%d bloggers like this: