KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: DBP magpalig-on sa ilang tie-ups sa financial firms

March 14, 2021 Uncategorized
GAMITON ANG KASAMTANGANG TEKNOLOHIYA. Inay magpalapad sa kab-ot sa bangko, gipadayag ni DBP CEO Emmanuel G. Herbosa nga mas epektibo ang pagpakigtali na lang sa mga kasamtangang fintechs ug NBFI aron mogamit na lang sa ilang impraktraktura nga napundar samtang gilantaw nga lukpon ang nasud sa pag-apagad sa ilangs erbisyo nga pangbangko. (PIA Bohol) 

TAGBILARAN CITY, Bohol June 19 (PIA) — Inay pagpalapad sa imprastraktura ug pagtukod og mas daghang sanga nga buhatan, ang Development Bank of the Philippines (DBP) mas misalig nga sa panginahanglan karon, ang pagpalukop sa ilang  serbisyo pinaagi sa pagpakig-tambayayong mga kompanya nga nangalagad sa financial technologies (fintech), non bank financial institutions (NBFIs) ug rural banks, maoy mas gikinahanglan.   

Sa gipagawas nga pamahayag sa DBP pinaagi sa ilang president ug Chief Executive Officer nga si Emmanuel Herbosa, ang ilang tumong sa mas lapad nga serbisyo ngadto sa matag Pilipino, dili una sa pagpadaghan pa sa ilang banko kon dili sa pagsumpay sa ilang serbisyo ngadto sa mga napundar na nga teknolohiya sa FinTechs, NBFIs, ug rural banks samtang isagad paggamit sa information technology (IT) applications aron mapamaayo pa ang ilang serbisyo ug pagpadangat niini ngadto sa matag Pilipino.

Matud ni DBP President Herbosa, ilang hiusahon paggamit ang ilang panagtambayayongay sa NBFI ug mga kompanya sa pagtanyag sa gikinahanglang serbisyong pangbangko samtang hunahunaon ug timbangtimbangon nila ang daan nga laraw nga magpalapad pinaagi sa pagtukod og daghan pang buhatan.

Dugang niya nga gilantaw sa DBP ang pagtinabangay sa mga kompnya sa fintech sama sa Paymaya, NBFI sama sa mga money remittance centers ug alayonay sa mga progresibo nga rural banks isip pamaagi nga makab-ot nila ang nahibilin nga mga tawo sa mga layo nga lugar nag walay mga bangko, ug wala pa nila maserbisyohi. 

Kini bisan pa ang DBP maoy ika walo nga labing dako nga bangko sa nasud kon hisgutan ang mga kabtangan niini, ug may sanga nga mga bangko sa mga lalawigan nga moabut sa 129 apil na ang 11 ka dagkong branches nga indedendente.

Aduna na usab sila’y 837 ka automated teller machines sa tibuok nasud.

Kahinumduman nga ang mga programa sa DBP uban sa Social Security System ug sa Department of Agriculture nakig-tali sila sa mga NBFI ug sa Paymaya nga miresulta sa mas paspas ug mas episyente nga pagpang-apud-apud sa ayuda sa mga banay nga ubos ang kita ug mga kabus nga gisweldohag inadlaw.

Gibutyag ni Herbosa nga ilang gisakyan og maayo ang lapad nga network ug kapasidad sa information technology sa mga NBFI ug fintechs aron makab-ot ang mas lapad ug mas daghan nga ayudahanan, kini nagtabang alang sa walay sabud nga binayranay sa ayuda.

Mipalubad si Herbosa nga sa sunod nga mga proyekto, ang kadtong susamang matang sa tinabangay maoy maayong modelo alang sa misyon sa paghatag sa dagkong kantidad ngadto sa tagsatagsa sa ayudahan sa labing dali nga panahon.

Niini, nalibkas ni Herbosa ang pagpadyutay na gani sa ilang mga laraw sa pagpalapad sa bangko, sanglit ang kasamtangan nga panahon nanginahanglang hunahunaon pag usab sa bangko ang ilang mga plano kon maayo ba nga unahon ang pagtukod bisan kon mahimo diay nga tinabangay na lamang.

Dugang pa, matud niya, ang DBP magpadagayday sa iyang resources sa pagpalapad na hinuon sa posibilidad nga mas daghang customer nga makaabut kanila pinaagi sa pagpundo sa unsay teknolohiya nga naa na, ug  ang pagpamaayo sa imprastraktura ug mga sistema sa ilang bangko.

“Tungod niini, ang DBP nanginahanglang palig-onon ang iyang kapasidad sa retail banking samtang alagaran niini ang ilang institutional customers sama sa local government units, water districts, ug sa micro, small and medium enterprises,” saysay ni Herbosa. (rahc/PIA-7/Bohol)

source https://pia.gov.ph/news/articles/1045237

Leave a Reply

This site uses Akismet to reduce spam. Learn how your comment data is processed.

%d bloggers like this: