KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Contact tracing nagpadayon sa COVID-19 ‘probable’ case sa Bohol

March 14, 2021 Uncategorized
Caption

TAGBILARAN CITY, May 20 (PIA) — Padayon karong gipahigayon sa mga awtoridad sa lalawigan sa Bohol ang contact tracing ug monitoring sa pipila ka indibidwal human usa  ka pasyente nga na-admit sa pribadong tambalanan sa syudad sa Tagbilaran ang gi-konsiderar nga posibleng positibo sa coronavirus disease (COVID-19) human nagpositibo ang resulta niini sa rapid test.

Matud pa sa tigpamaba sa COVID-19 related matters sa Bohol nga si Dr. Cesar Tomas Lopez, hapit na nila matapos ang gipahigayong contact tracing kalabot sa posibleng COVID-19 nga kaso sa Bohol.

Gi-kumpirmar ni Lopez nga usa  ka pasyenteng 17 anyos nga babaye ang mipaubos sa appendectomy sa Ramiro Community Hospital (RCH) sa dihang nagpakita kini og mga sinyales sa viral infection pinaagi sa rapid antibody test.

“Nagpakita sa iyang antibody test na duna siya igM, which is an antibody na nagpakita na duna kay infection, viral infection most probably,” matud pa ni Lopez.

Ang RCH nipagawas og official statement pinaagi sa ilang Facebook account niadtong Martes, Mayo 19 nga nitaho nga may pasyente silang gi-isolate ug gi-screen isip ‘probable COVID-19 case.’

Matud pa nga nagpahigayon na sila og contact tracing ug quarantine procedures kalabot sa maong kaso.

Ang kaso ug contact sa pasyente gitaho na nila ngadto sa Provincial Health Office (PHO) ug sa Department of Health-Center for Health Development Region 7-Regional Epidemiology and Surveillance Unit (DOH-CHD 7 RESU).

Ang samples alang sa confirmatory testing gikuha na usab ug gipadala sa Vicente Sotto Memorial Medical Center Sub-National Laboratory (VSMMC SNL) sa Cebu City.

Samtang ang RCH nipasalig sa publiko nga gihimo na nila ang ‘proper disinfection’ base sa ‘stringent protocol’ nga gimando sa ICC ug Infectious Disease Specialists ug nihimo na sila sa mga gikinahanglang lakang aron pagseguro sa kahilwasan ug pag-atiman sa tanang nilang mga pasyente ug healthcare workers.

Ang Bohol may usa lamang ka kumpirmadong kaso sa active COVID-19, usa  ka repatriated overseas Filipino worker (OFW) nga gipaubos sa isolation sukad pag-abot niini sa lalawigan niadtong Abril 27.

Si Lopez nihatag og kalamboan sa kaso sa maong OFW niadtong Mayo 19 diin gitaho niini nga ‘recovering’ gikan sa infection ug padayong wala nagpakita og simtomas sa COVID-19 ang maong OFW sukad pag-kwarantina niini sa pag-abot sa lalawigan.

Ang mga awtoridad sa panglawas nikuha na usab og balik og swab samples gikan sa maong OFW alang sa iyang ikatulo nga polymerase chain reaction test. Gipadala na ang mga samples niini sa Cebu City alang sa testing ug gipaabot pa ang resulta hangtod karon. 

Walay natalang local transmission sa maong sakit sa Bohol. (ecb/PIA7-Bohol)

source https://pia.gov.ph/news/articles/1042379

Leave a Reply

This site uses Akismet to reduce spam. Learn how your comment data is processed.

%d bloggers like this: