KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Contact tracing forms mao’y new normal sa panimbahan

March 14, 2021 Uncategorized
DINHI ANG CONTACT TRACING FORMS. Dinhi nga lamesa nimo pun-on sa kasayuran ang contact tracing form aron paghatag usab kanimo sa tumbok nga lingkoranan aron kon magkina-unsa, mahibaw-an kon kinsa ang imong mga kaduol ug sayun rang subayon. (rahc/PIA-7/Bohol)

CORTES, Bohol, June 23 (PIA) — Gibuksan man og balik ang mga simbahan sa 25 porsyento nga kapasidad niini aron ikapasalig nga mapatuman ang social distancing, bag-ong normal na niini ang pagfill-up sa Contact Tracing Forms sa tanan nga manimbahay.

Kini ug daghan pa nga mga gikinahanglang buhaton sa manimbahay ang gipatuman usab sa mga kadagko-an sa simbahan aron pugngana ng pagkatap sa kagaw nga maoy kina-ingnan sa pagpanakod ug pagkamatay sa daghanan na nga Pinoy.

Sa pipila ka mga simbahan sa Bohol, ang pagfill-up sa contact tracing form maghatag usab sa usa  ka manimbahay sa iyang tumbok nga luna lingkoran nga labing menos duha  ka metros sa labing duol nga manimbahay.

Ang contact tracing form magpasayun sa pagtumbok kon kinsa nga mga tawhana ang nagduol og lingkod ug kon pananglit may nasakit, sayun ra ang pagtudlo kon kinsay possible nga natakdan.

Sa gihapon, inig abut sa pultahan o ganghaan sa simbahan, may mga tawo nga magkuha sa body temperature sa manimbahay, kadtong ming register nga may timailhan sa hilanat, ipadala dayun sa mga health centers ug dili na pasimbahon.

LIBRE NGA PANGHUNAW UG PAGKUHA SA BODY TEMPERATURE. Sa dili pa mosulod sa mga simbahan, didto sa pultahan, may libre nga hand sanitizers ug mga body temperature scanners aron maseguro nga walay mongsimba nga may timailhan sa hilanat, o sakit. (rahc/PIA-7/Bohol) 

Dili usab makasulod sa simbahan kon walay gisul-ob nga mask, ug dili gyud tangtangon ang mask gawas sa pagkalawat na, unya itaud og balik dayon.

May mga alcohol disinfection usab nga mahitabo sa ganghaan sa simbahan samtang may gipahimutang nga mga disinfection stations diin may alcohol ug hand sanitizers sa mga lamesa nga gibutang sa kilid sa mga aisles sa simbahan.

Bisan pa niini, mipahinumdom pa gihapon ang mga tinugyanan sa simbahan ngadto sa mga manimbahay nga magdala gyud permi og alcohol ug mga sanitizers, aron makapamatay kagaw sa tanang higayon.

Gidili na usab ang paghalad sa simbahan, kay kini magbukas sa kahigayunan sa pagsupak sa social distancing, matud sa mga tinubdan.

Hinuon, kadtong buot mohalad, mobilin sa ilang halad ngadto sa mga lamesa nga gibutang sa kilid sa simbahan, aron usa lamang pagkuha niini arom mahalad sa altar.

May mga tinugyanan usab nga mag-alayon sa mga manimbahay ug mogiya kanila paingon sa mga lingkoranan ug sa panahon sa pangalawat.

Ug aron wala nay magsugat nga makasupak sa social distancing, kadtong mokalawat, molibut sa mga agi-anan sa kilid human mokalawat gikan sa tunga nga aisle sa simbahan.

Sa paggawas usab, may mga tumbok nga pultahan nga gawasan, dili sa pultahan nga gisudlan, aron dili makasugat sa mga buot mosulod.   

Human sa mga misa, maghimo ang mga tinugyanan sa simbahan sa disinfection, sa dili pa buksan ang simbahan sa lain na usab nga misa.

Ug aron dili magdungan og han-ok sa usa  ka misahan, gimandu na sa Obispo sa Tagbilaran nga ang tanan nga misa human sa paniudto sa Sabado, isipon na nga anticipated ug Sunday Mass, samtang gipangpun-an ang kadaghanon sa mga misa aron walay mawani sa labing taas nga matang sa  pag-ampo. (rahc/PIA-7/Bohol)

source https://pia.gov.ph/news/articles/1045571

Leave a Reply

This site uses Akismet to reduce spam. Learn how your comment data is processed.

%d bloggers like this: