KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Bohol, nagpabilin ubos sa GCQ taman Hunyo 15

March 14, 2021 Uncategorized

TAGBILARAN CITY, June 1 (PIA) — Ang lalawigan sa Bohol nagpabiling gipaubos sa General Community Quarantine (GCQ) sugod karong adlawa, Hunyo 1 hangtod Hunyo 15, 2020.

Si Gob. Arthur Yap una nang nipahibalo niadtong Biyernes nga ang Bohol ipaubos na sa Modified GCQ base sa direktiba nga gipahibalo ni Presidente Rodrigo Duterte atol sa  televised address ngadto sa nasod niadtong Huwebes sa gabii.

Apan nadawat ni Yap niadtong Sabado ang bag-ong direktiba gikan sa Inter-Agency Task Force (IATF) for the Management of Emerging Infectious Diseases nga nagbutang sa tibuok Central Visayas ubos sa GCQ.

Ang bag-ong nasudnong mando ug kabag-ohan sa quarantine levels sa nagkalain-laing lokalidad sa tibuok nasod gi-aprobahan sa IATF Screening and Validation Committee.

Ang klasipikasyon sa mga lugar ubos sa GCQ o MGCQ gi-base sa ilang epidemic risk level, economic, social and security considerations ug “the appeals and commitment of local government units,” matud pa sa IATF.

Matud pa ni Yap, ang tanang protocols ug quarantine measures nga kasamtangang gipatuman sukad gipaubos ang Bohol ubos sa GCQ niadtong Mayo 1 magpadayon taman sa Hunyo 15, gawas lamang sa mga adlaw sa paggawas sa mga minor de edad nga gi-usab sa Probinsiyal nga Kagamhanan.

“Ang atong mga guidelines ubos sa General Community Quarantine magpabilin nga ipatuman gawas sa curfew sa mga minor de edad diin atong gi-usab ang adlaw nga pwede silang mogawas,” matud pa ni Yap.

Ang mga minor de edad nga 18 anyos paubos, kun kuyog sa ilang mga ginikanan o guardians tugotang makagawas gikan alas 6 sa buntag taman alas 6 sa gabii matag adlaw nga Biyernes ug Sabado, imbes nga sa kaniadtong schedule nga matag-Biyernes ug Lunes.

Samtang ang mga senior citizens nga nag-edad og 65 anyos pataas, magpabiling makagawas matag adlaw nga Martes ug Biyernes gikan alas 6 sa buntag taman alas 6 sa gabii. (ecb/PIA7-Bohol)

source https://pia.gov.ph/news/articles/1043506

Leave a Reply

This site uses Akismet to reduce spam. Learn how your comment data is processed.

%d bloggers like this: