KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: Bayanihan 2, gipabutangan og ‘safety measures’ni PRRD aron di makurakot ang pondo

March 14, 2021 Uncategorized
Matud pa ni Presidente Duterte, katungod sa matag Pilipino nga mangutana ug mahibaw kun asa gigasto sa gobyerno ang salapi nila. Kalabot niini, gimando niya nga i-audit ug  ipatik sa mga pahayagan ang tanang transaksyon sa gobyerno. (hulagway sa PCOO)

MANILA, Aug. 26 (PIA) — Gi-awhag ni Presidente Rodrigo Roa Duterte ang Kongreso nga butangan og detalyadong ‘safety measures’ ang Bayanihan to Recover as One Act o giila isip Bayanihan 2.

Kini aron maseguro nga dili makurakot ang P165 bilyong pondo nga nahisulod sa balaod nga ipang-ayuda sa mga negosyante ug ipamalit og mga health related nga gamit aron magamit batok sa coronavirus disease 2019 (COVID-19).

Sa iyang televised public address Martes sa buntag, Agosto 25, miingon si Duterte nga kun gikinahanglan nga magbutang ang Kongreso og oversight, undersight o sidesight committee, himuon nila kini aron masiguro nga mabantayan ang pondo sa nasod.

Matud pa sa presidente nga mahimo usab himuon sa Kongreso nga ipasabot sa iyang mga gabinete matag semana kun asa nipaingon ang pondo.

Gidugang pa ni Duterte nga kun dili pa makuntento ang Kongreso, mahimo usab tawagon ang iyang gabinete aron magpasabot.

Gitumbok usab niini nga dili gyud ilegal nga mahibaw kun asa paingon ang pondo.

“Congress is free to participate or create oversight of committees — committees of all sorts. Anong committee maisip ninyo sa COVID one or two, wala namang — pati COVID two, kung mayroon pa, ilagay ninyo, oversight, undersight, sidesight, gawain ninyo at kung gusto ninyo to report ‘yung mga tao weekly diyan para may trabaho tayong lahat. They can report to Congress week — weekly or — at your choosing. Walang problema ‘yan. I’m ready to order that. It is not a matter of separation of powers. Iyan ‘yung parang expanded oversight lang na gusto lang man… It is never illegal to know where your money is going,” matud pa ni Duterte.

Una niini, gimanduan ni Duterte ang iyang gabinete nga ipatik sa mga pahayagan kun gi-unsa nila paggasto ang salapi sa Bayanihan Act matag semana. Ipaapil usab niini ang mga bidder apil na ang pagpili bisan nga paper clip lamang. (ecb/PIA7-Bohol)

source https://pia.gov.ph/news/articles/1051363

Leave a Reply

This site uses Akismet to reduce spam. Learn how your comment data is processed.

%d bloggers like this: