KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano news: BARMM mihatag ug P15M nga hinabang alang sa Lanao del Sur biomolecular lab

March 14, 2021 Uncategorized

MARAWI CITY, Hulyo 14 (PIA)—Ang kagamhanan sa Bangsamoro  mitunol sa P15,039,688 nga cash assistance sa Amai Pakpak Medical Center (APMC) niadtong miaging Lunes, Hulyo 6.

Ang kapin P15-milyon nga kantidad sa salapi makatabang aron magamit alang sa pagtukod sa usa ka laboratoryo nga ‘Biomolecular’ para sa mga SARS-COV-2 nga ‘test’ aron masunod ang mga sumbanan nga gipatuman sa Department of Health (DOH).

Si BARMM (Bangsamoro Autonomous Region in Muslim Mindanao) Chief Minister Ahod “Al Haj Murad” Ebrahim ug Dr Shalimar Sani-Rakiin, Medical Center Chief sa APMC mi pirma sa usa ka Memorandum of Agreement (MOA) alang sa pagtinabangay ug kooperasyon sa pakigbatok kontra sa Covid-19 pandemic.

Sumala sa MOA, “kini usa ka ‘mutual policy’ sa duha ka partido [APMC ug BARMM] aron masiguro ang paghatud sa labing maayo nga serbisyo sa mga tawo ug mapalambo ang kalidad sa kahimsog ug pag-atiman sa lokalidad nga giserbisyuhan sa mga Partido.”

Dugang pa, ang APMC modawat ug magproseso sa mga ‘specimen’ gikan sa BARMM aron ma ‘test’ bisan kung dunay kalabutan sa COVID-19 o wala, ug gikinahanglan nga magsunod sa mga giya nga gipatuman  DOH diha sa ‘laboratory test’ sa mga pasyente, bisan pa mahuman na ang  COVID-19 nga pandemya.

“Kini nga pagpirma sa MOA usa ka pagpakita sa among gipaambit nga pasalig sa APMC sa pagpakig-batok sa COVID-19. Masaligon kami nga ang among minahal nga mga higala ug katugbang sa APMC makatabang kanamo sa padayon nga pakigbatok sa maong sakit, ”matud ni Ebrahim.

Malaumon usab si Ebrahim nga ang gamay nga kontribusyon sa APMC makatabang sa paghatag og dako nga tabang aron matubag ang mga kinahanglanon diha sa pakigbatok sa COVID-19 sa Lanao del Sur.

“Ang APMC wala lang nagpasalig sa ilang accreditation sa COVID-19 ‘testing laboratory,’ hapit nasad nila mahuman ang usa ka ‘Biomolecular laboratory’ nga mahinungdanon kaayo aron matabangan ang plastar nga pagpahigayon batok sa daghang mga pagsulay matag adlaw, “dugang ni Ebrahim.

Samtang, gibutyag ni Dr. Sani-Rakiin nga ang tabang sa kagamhanang Bangsamoro usa ka dako nga tabang sa APMC ug Lanao del Sur.

“Makasiguro kita nga makaluwas kini sa daghang kinabuhi ug kung ang Biomolecular laboratory matapos na, makatabang kini ug dako nga mapugngan ug masugpo nato ang pandemya, ”ingon niya.

“Karon dunay 99 ka bag-ong mga kaso tungod sa programa nga Hatid-Tulong sa gobyerno. Sa sinugdanan, siyam ra ang mga kaso nato sa wala pa kini ipatuman,” dugang ni Sani-Rakiin.

Ang laboratoryo sa APMC bag-o lang usab nakadawat sa License to Operate (LTO) alang sa GenExpert Machine gikan sa DOH.

Miingon siya nga ang GenXpert Express ga-operate na sa APMC sulod sa lima ka adlaw. Nakadawat sila sa LTO sulod lang sa tulo ka bulan, insakto lang gyod pud aron dali ra ang pagsugod ug operate sa Biomolecular labotratory.

“Kung andam na ang tanan alang sa Biomolecular lab, mamahimo na kitang mag pahigayon sa usa ka ‘mass testing’, tungod kay gihatagan lang kita ug 720-cartridge alang sa sunod nga tulo ka bulan. Nakita namo nga ang Biomolecular lab importante kaayo sa pagpahigayon ‘mass testing’  aron mapugngan ang pagkaylap sa COVID-19 sa Lanao del Sur,” ingon ni Sani-Rakiin.

“Mapasalamaton usab kami sa Opisina sa Punong Ministro alang sa AMBAG (Ayudang Medikal mula sa Bangsangmoro Government) Program diin sila migahin ug kantidad nga P5-milyon kay nakatabang kini sa 725 ka mga pasyente sa APMC,” dugang niya.

Ang Infra-component alang sa giingon nga laboratory, 39-porsyento na nga nakumpleto ug gilauman nga mag-operate na sa Agosto 20 sa dili pa mag expire ang LTO [alang sa GenXpert] sa Septyembre 29. 

Ang ‘turnover ceremony’ gitambongan usab sa Executive Secretary sa BARMM Abdulraof Macacua, Assistant Executive Secretary Abdullah Cusain, Attorney General Sha Elijah Dumama-Alba, ug mga opisyal nga nagdumala sa APMC. (BGE/PIA ICIC)

source https://pia.gov.ph/news/articles/1047452

Leave a Reply

This site uses Akismet to reduce spam. Learn how your comment data is processed.

%d bloggers like this: