KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: 8 ka kalungsoran sa Bohol naka-liquidate na sa SAP

March 14, 2021 Uncategorized

TAGBILARAN CITY, Bohol, May 14 (PIA) — Walo pa lamang ka kalungsuran sa Bohol ang nakaduso sa ilang liquidation sa mga pundo sa Social Amelioration Program (SAP) sulod 15 ka adlaw human nila mapang-apud-apod ang hinabang sa kagamhanan, segun sa Department of Social Welfare and Development (DSWD).

Kini samtang hangtud sa Mayo 11, 44 na ka kalungsuran sa Bohol ang nakakompleto sa pagpang-apud-apod sa cash nga hinabang sa kagamhanan nga nasukip sa Bayanihan To Heal As One Act.

Ang Bayanihan to Heal As One Act nagpahimutang sa probisyon sa SAP alang sa duha ka buwanan nga cash nga hinabang sa mga kabus ug ubos og kinitaan, mga nahikawan ug mga apektado sa mga gipanghimo nga mga lakang sa pagpugong sa paspas nga pagkaylap sa coronavirus disease (COVID).

Dinhi sa Central Visayas, tag P6,000 ang madawat sa matag panimalay nga kabus, ubos og kita ug sa mga natumbok nga benepisaryo sa Social Amelioration Program sa  Bayanihan to Heal As One Act.

Kinatibuk-an nga P1,090,260.000.00 ang pahat sa SAP alang sa kinatibuk-ang mga 181,710 kabus ug benepisaryo sa SAP sa Bohol, ubos ug dyutay sa nadawat sa Negros Oriental nga naa sa 1,500,126,000 alang sa ilang 250,021 ka kabus nga panimalay.

Labing dako nga may nadawat nga SAP ang Sugbo nga may P3,589,308,000 alang sa 598, 218 nga benepisaryo nga kabus, samang labing gamay usab ang Siquijor nga may 168,756,000 alang sa 28,126 nga benepisaryo.  

Segun sa guidelines nga gipakanaug sa DSWD, human madawat sa DSWD ang gikinahanglang dokumentos gikan sa kalungsuran, sulod sa 48 oras, idownload usab niini ang pundo nga ipanghatag sa mga kabus, sulod sa lima ka adlaw human nila madawat ang pundo gikan sa DSWD.

Human usab sa 15 ka adlaw human nila ikapanghatag sa kabus ang mga ayuda nga pinansyal, obligado nag mga kalungsuran nga iduso ngadto pagbalik sa DSWD ang liquidation reports niili sa paggamit sa  pundo.

Sa Bohol, bisan kon may 4 pa kakalungsuran nga wala pa makahuman sa pagpanghatag, may 8 na ka lunsgod ang nakaliquidate sa SAP, kini naa na sa 16.67 porsyento sa mga kalungsuran.

Gani, dugang sa DSWD report, miabut na sa P129,114,000 ang pundo sa SAP nga nahatag sa Bohol ang naliquidate na.

Hinuon, nag-una ang Sugbo sa status sa SAP liquidation  sa Central Visayas kay mikabat na sa 10 ka lungsod o 18.87 porsyento sa ilang kalungsuran ang nakaduso na sa liquidation sa DSWD.

Patas ang status sa Bohol ug Siquijor nga naa sa 16.76 porsyento; ang Siquijor may 1 na sa 6 ka LGUs ang nakaliquidate na.

Naa  sa 12 porsyento pa ang Negros Oriental bisan pa nga 23 sa 25 na ka kalungsuran niini ang natibawas na sa ilang pagpanghatag sa ayuda sa kagamhanan.

Sa kinatibuk-an nga Central Visayas nga SAP funds nga mikabat sa P6.3 bilyones, 395,411,880.00 pa lamang niini ang liquidated na, samtang nagpaabut ang DSWD nga makahatag na ang ubang kalungsuran sa liquidation. (rahchiu/PIA-7/Bohol)

source https://pia.gov.ph/news/articles/1041894

Leave a Reply

This site uses Akismet to reduce spam. Learn how your comment data is processed.

%d bloggers like this: