KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: 48 Bol-anon’g OFWs nga stranded sa Manila, naule pinaagi sa ‘Balik-Probinsiya’

March 14, 2021 Uncategorized

TAGBILARAN CITY, April 30 (PIA) — Nakaule na ang 48 ka mga Bol-anon nga overseas Filipino workers (OFWs) nga na-stranded sa kaulohan.

Niabot sa Bohol ang maong grupo nga una sa tulo ka batch nga mamauling OFWs sa Central Visayas niadtong Martes, Abril 28 sa alas 6:30 sa gabii sa pantalan sa syudad sa Tagbilaran.

Ang maong grupo sa OFWs ang unang batch sa 262 nga nahatagan og travel authority gikan sa Covid-19 inter-agency task force (IATF) pinaagi sa inisyatibang “Balik-Probinsya” sa gobyerno.

Gidala sila ngadto sa usa  ka quarantine facility alang sa14 ka adlaw nga mandatory quarantine.

Laing 17 ka OFWs nga na-standed usab sa Cebu ang unang niabot niadtong Martes sa alas 3:30 sa kadlawon.

May kinatibuk-ang 291 ka repatriated OFWs apil na sa mga Bol-anon nga paingon sa Central Visayas ang nisakay sa barko sa 2Go nga St. Michael the Archangel.

Nigikan sila sa Manila mga alas 2:00 sa kadlawon niadtong Lunes, Abril 27, 2020 ug niabot sa Cebu sayo sa buntag niadtong Martes.

Sa 291 nga gipapauleng OFWs, 220 niini ang moule sa Cebu, 48 sa Bohol ug 24 ang sa Dumaguete City.

Ang mga niule sa Bohol nikanaog sa pantalan sa Cebu ug nisakay na usab sa laing barko nga Lite Ferry 1 paingon sa pantalan sa syudad sa Tagbilaran.

Ang maong mga OFWs mga seafarers nga na-displaced tungod niining pandemic nga Covid-19 ug na-stranded sa Manila tungod sa implementasyon sa enhanced community quarantine (ECQ), matud pa ni Marlou Salazar, Office of Civil Defense (OCD-7) Regional Director ug Co-Chairperson sa IATG-MEID-RDRRMC 7.

Sa ilang pag-abot, gipaubos sila sa mandatory health protocols nga gipahigayon sa bahan sa Department of Health (DOH) ug sa Bureau of Quarantine (BOQ) sa Rehiyon 7.

Gipaubos sila sa proseso sa screening sama sa thermal scanning, physical exam ug gipa-download sa WeTrace app alang sa sayon nga pagpangita kanila, ug uban pa.

Didto sa Manila, una na silang gipaubos sa proseso sa screening sa wala pa migikan ug gi-decontaminate o gihinluan usab ang ilang mga dalang bagahe.

Ang inisyatibang “Balik-Probinsya” gi-organisar sa Malasakit Help Desk for Filipino Seafarers nga gilangkoban sa Department of Transportation (DOTr), Maritime Industry Authority (MARINA), Philippine Coast Guard (PCG), Overseas Workers Welfare Administration (OWWA), Bureau of Quarantine, local government units ug sa seafarer’s local manning agencies.

Ang “Balik-Probinsya” nisubay sa kinatibuk-ang diskarte sa gobyerno sa pagsiguro sa kaluwasan ug kaayohan sa mga land-based ug sea-based OFWs. (ecb/PIA7-Bohol)

source https://pia.gov.ph/news/articles/1040478

Leave a Reply

This site uses Akismet to reduce spam. Learn how your comment data is processed.

%d bloggers like this: