KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Cebuano News: 3,500 ka mag-uuma sa Bohol, maka-benepisyo sa ‘Cash-for-Work’ program

March 14, 2021 Uncategorized

TAGBILARAN CITY, May 12 (PIA) — Labing menos 3,500 ka mga mag-uuma nga miyembro sa nagkalain-laing irrigators association sa lalawigan sa Bohol ang gitakdang maka-benepisyo sa ‘Cash-for-Work’ program sa kagamhanang probinsiyal nga nagtinguhang matabangan ang mga mag-uuma ug mga indibidwal nga nawad-an og trabaho tungod sa corona virus (COVID-19) pandemic.

Kini human gipangunahan ni Gob. Arthur Yap ang paglusad niadtong Mayo 6 sa ‘Cash-for- Work’ program uban sa mga communal irrigators association sa barangay Jimilian ug Gotozon sa lungsod sa Loboc ug Barangay Yanaya ug Bugang Sur sa lungsod sa Bilar.

Ang maong programa gi-implementar pinaagi sa Office of the Provincial Agriculturist (OPA) nga nag-target sa 3,500 ka benepisyaryo gikan sa 50 ka irrigators sa lalawigan nga adunay alokasyon nga P2 milyon pinaagi sa Provincial Disaster Risk Reduction and Management Council (PDRRMC).

TRABAHO ALANG SA MGA NAWAD-AG PANGINABUHI-AN. Kalakip sa 1Bohol We Heal as One fund, may P2 milyones nga gitagana ang lalawigan pagpasweldo sa mga magpahiuli sa mga irrigation canals, segun pa ni Gob Arthur Yap. (PIA Bohol/ Gov. Art Yap photos) 

Sa pagsugod sa ‘cash-for-work’ program sa niaging semana, gi-bisita ni Yap ang bahan sa mga irrigators ug ubang benepisyaryo nga mo-trabaho sa communal irrigation system (CIS) areas sa mga lungsod sa Loboc, Bilar, Lila, Dimiao ug Valencia.

Ang pondo alang niini parte sa “We Survive as One Bohol Fund,” usa  ka P50-milyon stimulus package sa kagamhanang probinsiyal nga itabang sa ‘cross-section socio-economic impact’ sa COVID-19.

Prayoridad sa ‘cash-for-work’ program kadtong mga nawad-an og trabaho o mga gibalhin og trabaho tungod niining pandemic nga nakapapugos sa pagpasarado sa mga ‘none essential establishments.’

Ang trabaho naglakip sa paghawan ug pagkubkob subay sa mga kanal sa irigasyon, restorasyon sa mga liki sa kanal, back-filing ug shaping up sa mga canal section, brushing sa main ug lateral canals, ug de-siltation sa mga kanal waterways.

Ang usa  ka communal irrigation system (CIS) naglangkob sa 400 metros ka irrigation canals ug ang work program molanat sa 100 ka adlaw diin ang mga trabahante makadawat og suhol nga P400 matag adlaw.

Ang mga trabahente nga miyembro sa irrigator association magbahin sa alokasyon nga P40,000 matag-site.

Ang grupo maoy mo-determinar sa suholan sa ilang miyembro.  (ecb/PIA7-Bohol)

source https://pia.gov.ph/news/articles/1041546

Leave a Reply

This site uses Akismet to reduce spam. Learn how your comment data is processed.

%d bloggers like this: