KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Aklanon News: Pagpanupod it FSRF sa mga mangunguma sa Aklan dali lang matapos

March 14, 2021 Uncategorized

KALIBO, Aklan, Hunyo 7 (PIA6) —  Madali eon lang matapos ro pagpanupod sa mga mangungumang Akeanon it benefisyo sa idaeum it Financial Subsidy for Rice Farmers (FSRF), suno sa pinakaulihi nga impormasyon halin sa Office of the Provincial Agriculturist (OPA).

Ro FSRF hay sambilog sa mga pangtabang it Department of Agriculture (DA) para sa mga mangungumang Akeanon bilang sabat sa krisis nga daea it COVID-19.

Raya hay sangka inisyatibo it gobyerno agud buligan ro mga maintok nga mga mangunguma nga nagatanum sa sang hektarya ukon manaba pa kara nga eugta nga nakalista sa Registry System for Basic Sectors in Agriculture (RSBSA).

Sa idaeum it programa, kada kwalipikado nga mangunguma hay makabaton it P5,000.00 nga bulig, nga pwede nana nga magamit nga pangbakae it gamit sa panguma, pagkaon ku anang pamilya, ag iba pa.

Sa pinakaulihing impormasyon halin sa OPA, nakaabot eon sa 86.27 porsyento it mga benefisyaryo it FSRF ro nakabaton it bulig, ag sa pag-abot it Hunyo 13, ro pinakaulihing tiyempo sa pagpanupod, makumpleto eon dayon ro pagpanupod.

Sa makaron, may 17,772 nga mga manginguma eon halin sa 17 nga mga banwa sa Aklan ro nakabaton  it bulig, samtang may 1,091 pa nga owa makabuoe sa gin schedule nga pagpanupod.

May kabilugan nga P88,610,000.00 ro hapanupod/hatao nga kwarta it Land Bank of the Philippines (LBP) Kalibo ag Caticlan, Malay Branch sa mga benefisyaryo umpisa it Mayo 7, 2020.

Ro pinakaulihi nga pagpanupod hay ku Mayo 30.

Regular nga gina asistihan ro LBP kada magpanupod it DA, OPA, ag mga Municipal Agricultural Offices (MAOs) it mga banwa.

Ro LBP-Kalibo ro nagpanupod sa mga mangunguma sa 13 nga mga banwa pareho ku Kalibo, Banga, Altavas, Batan, Malinao, Libacao, Makato, Madalag, Lezo, Numancia, New Washington, Balete, ag Tangalan, samtang ro LBP-Caticlan ro nagpanupod sa mga benefisyaryo it Ibajay, Nabas, Mallay ag Buruanga.

Ku una, ro DA hay nagpreparar it pundo it FSRF para eamang sa 19,253 nga mga mangunguma sa Aklan pero ku ulihi, nag abot ro numero sa 20,543.

Suno  kay Salome David, OPA-Aklan Assistant Provincial Agriculturist, tanan sanda ra hay makabaton it P5,000.00 nga bulig kada isaea.

Sa pihak nga parte, rato nga mga owa nakabuoe it anda nga bulig sa gintaeana nga tiyempo hay pwede man kabuoe sa LBP.

Pila sa mga rason nga gintao kon ham-an owa nakabuoe ro mga mangunguma ku andang bulig ukon ayuda hay bangud idto sanda sa Manila ag iba pang lugar sa guwa it Aklan kat ginhiwat ro pagpanupod, nagmasakit sanda, doble ro andang ngaean sa listahan, ag benefisyaryo man ro iba it iba pang pagbulig it DA. (JSC/VGV/PIA6 Aklan)

source https://pia.gov.ph/news/articles/1044010

Leave a Reply

This site uses Akismet to reduce spam. Learn how your comment data is processed.

%d bloggers like this: