KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Aklanon News: Mga mangingisda sa Aklan makautang paagi sa BFAR

March 14, 2021 Uncategorized

KALIBO, Aklan, Mayo 15 (PIA6) —  May 456 nga mga mangingisda sa Aklan ro nakautang paagi sa Agricultural Credit Policy Council (ACPC) sa pagpatigayon it Bureau of Fisheries and Aquatic Resources (BFAR).

Suno  kay Victoria Magalit, Information Officer Designate it BFAR-Aklan, ro ACPC hay sangka programa it gobyerno nga naga asistir sa mga mangunguma paagi sa pagpautang kanda it P25,000.00 kada isaea nga mabayaran nanda sa sueod it 14 anyos.

Ro una nga ginpunduhan it BFAR hay rong mga mangingisda halin sa banwa it New Washington, Altavas ag Batan nga tanan halin sa unang distrito it Aklan, nga may alokasyo nga P11.4 milyon.

Ro pundo, suno  kay Magalit, hay ginpaagi sa mga kooperatiba nga nakabase sa New Washington, Libacao, Lezo ag Madalag.

Gindugang ni Magalit nga ro pautang hay sangka nagapadayon nga program nga una nga gintanyag sa mga mangingisda pagkatapos it pagdaeasa it Bagyong Ursula sa pangabuhian it mga mangingisda, maintok man sanda ukon mga nagapanag-ana it katangkehan.

Makautang eamang kara ro mga mangingisda nga rehistrado sa andang mga Municipal Fisheries Office.

Ginpasalig ni Magalit nga ro mga mangingisda sa iba nga mga banwa hay makautang man sa idaeum it nasambit nga programa.

Euwas sa pautang ngara, ginsugid man nana nga nagbulig man ro BFAR sa mga kwalipikado nga naga operar it tangke paagi sa pagtao kanda it mga similya it isda.

Rayang serbisyo hay ginatao it BFAR sa mga mangingisda agud makabangon sanda sa kasamaran nga daea it Bagyong Ursula, hambae ni Magalit. (JSC/VGV/PIA6 Aklan)
 

source https://pia.gov.ph/news/articles/1041931

Leave a Reply

This site uses Akismet to reduce spam. Learn how your comment data is processed.

%d bloggers like this: