KUWADERNO.COM

Different Genres.

One Name.

One Soul.

One Addicition.

KUWADERNO.COM

Different Genres.

One Name.

One Soul.

One Addicition.

Blog Post

Aklanon News: ‘#DisiplinaMuna’ ginlunsar it DILG ag PNP

March 14, 2021 Uncategorized

KALIBO, Aklan, Hulyo 30 (PIA) —  Ginlunsar kurundaya eamang iya sa probinsya it Aklan ro #DisiplinaMuna National Advocacy Campaign it Department of Interior and Local Government (DILG) ag Aklan Police Provincial Office (APPO).

Ginhiwat ro paglunsar sa Aklan PPO Multi-Purpose Hall sa Camp Pastor Martelino, New Buswang, Kalibo, Aklan.

Tuyo it kampanya nga pahueagon ro minatuod nga konsepto it mayad nga panggobyerno kon siin ro mga pumueuyo hay nakasayud ku andang mga obligasyon ag responsibilidad ag aktibo nga nagapartisipar sa pagpaumwad it nasyon.

Suno  kay Engr. Carmelo F. Orbista, DILG-Aklan Provincial Director, ro #DisiplinaMuna Advocacy hay nagabutang it importansya sa mga programa, proyekto ag aktibidades nga magaserbe nga haligi it nasambit nga kampanya nga ginakumpunihan it Road Clearing, Disaster Preparedness and Resilience, Anti-Smoking, Ease of Doing Business, Liquor Ban, Tourist Spots Clean-Up, ag Functional Barangay Anti-Drug Abuse Council ukon BADAC.

Ginakumbinyo man it #DisiplinaMuna ro mga pinuno it mga banwa ag mga pinuno man it mga ahensya sa probinsya nga magpamuno sa kampanya sa andang mga lugar ag ahensya paagi sa paghiwat it mga aktibidades nga nagapakita it kultura it disiplina sa andang mga pumueuyo base sa mga nasambit nga mga saeandigan.

Nakasandig man ro kampanya sa Philippine Development Plan (PDP) 2017-2022 nga tuyo nga ibutang ro pundasyon para sa ililiba nga pag-asenso paagi sa sigurado nga panggobyerno nga nakasentro sa mga pumueuyo paadto sa “Ambisyon Nation 2040” nga nagapanan-aw it sangka “Matatag, Maginhawa at Panatag Na Buhay Para Sa Lahat”.

Suno  kay Engr. Orbista, paagi sa nasambit nga inisyatibo, mareyalisar nga ro pagkaeabuligan hay importante sa pagtukod it sangka progresibo nga sosyedad. Kon may disiplina, suno  kay Engr. Orbista, maeumo maangkon ro katawhay ag kalinong.

Sa parte ni Aklan PPO Provincial Director Col. Esmeraldo Osia, ginhambae nana nga ro pagturo it kultura it disiplina ro pinakaimportante, bangud bukon eamang ra it para sa sangka tawo kundi para sa bilog nga komunidad nga ginaserbehan.

Nag-entra sa paglunsar ro mga hepe it kapulisan sa 17 nga mga banwa it Aklan paagi sa Zoom, mga miyembro it mga socio-civic nga mga organisasyon, mga halin sa akademya, media, ag mga Inter-Faith nga mga grupo. (JSC/VGV/PIA6 Aklan)

source https://pia.gov.ph/news/articles/1048921

Leave a Reply

This site uses Akismet to reduce spam. Learn how your comment data is processed.

%d bloggers like this: